Հայաստանի Հանրապետութեան պաշտպանութեան նախարար Արշակ Կարապետեանը ՌԴ Պատրիոտ կենտրոնին մէջ Օգոստոսի 23-ին մասնակցած է «Արմիա-2021» ռազմաարդիւնաբերական ցուցահանդէսի եւ Միջազգային բանակային խաղերու բացման արարողութեանը։

Ինչպէս «Արմենփրես»-ին տեղեկացուցին ՀՀ ՊՆ տեղեկատուութեան եւ հասարակայնութեան հետ կապերու վարչութենէն, նոյն օրը ՀՀ պաշտպանութեան նախարարը շարք մը հանդիպումներ ունեցած է ՌԴ խոշոր ռազմաարդիւնաբերական ընկերութիւններու ղեկավարներու հետ, քննարկած է երկկողմ հետաքրքրութիւն ներկայացնող շարք մը հարցեր։ 

Արշակ Կարապետեանն, այնուհետեւ, հայ-ռուսական ռազմատեխնիկական համագործակցութեան հարցերու ողջ շրջանակը քննարկեր է ՌԴ Ռազմատեխնիկական համագործակցութեան դաշնային ծառայութեան տնօրէն Դմիտրի Շուգաեւի եւ Ռոսօբորոնէքսպորտ ընկերութեան տնօրեն Ալեքսանտր Միխէեւի հետ։