Ռուսական «Ռոսօբորոնէքսպորտ» ընկերութեան գլխաւոր տնօրէն Ալեքսանտր Միխէեւը յայտնած է, որ յառաջիկային Թուրքիային S-400 զենիթահրթիռային համակարգերու նոր խմբաքանակի մատակարարման պայմանագիր կը կնքուի։

Միխէեւը ընդգծեր է, որ այս ուղղութեամբ Թուրքիայի հետ բանակցութիւնները կը շարունակուին եւ արդեն եզրափակիչ փուլ հասած են։ Ձեռք բերուած պայմանաւորուածութիւնները յառաջիկային կը պաշտօնականացուին։

Մինչեւ այսօր Թուրքիան Ռուսաստանէն S-400 ՀՕՊ զենիթահրթիռային համակարգերու 4 մարտկոց գնած է։ Նոր գործարքի արժէքը, ըստ մամուլի մէջ հրապարակուած տեղեկութիւններուն,  կը կազմէ 2․5 մլրդ դոլար։

S-400 ՀՕՊ զենիթահրթիռային համակարգերու գնումը Թուրքիայի կողմէ, դատապարտեց ԱՄՆ-ն՝ անոր նկատմամբ կիրառելով պատժամիջոցներ եւ դուրս ձգելով Ֆ-35 կործանիչներու ծրագիրէն։