Ամերիկացի խումբ մը կոնգրեսականներ եւ Ուաշինգտոնի մէջ գործող շարք մը հասարակական-քաղաքական կազմակերպութիւններ՝ ի դէմս հայկական, յունական, քրտական, հրէական, հնդկական համայնքներու, «Ի պաշտպանութիւն քրիստոնեաներու» եւ իրաւապաշտպան այլ կազմակերպութիւններու, ԱՄՆ կառավարութենէն կը պահանջեն դադարեցնել ամերիկեան այն տեխնոլոգիաներու արտահանումը, որոնք կ՛օգտագործուին թուրքական ԱԹՍ-ներու արտադրութեան մէջ, եւ առհասարակ հետաքննած են Թուրքիայի անօդաչուներու ծրագիրի ապակայունացնող դերակատարումը տարածաշրջանի մէջ:

Հայ եւ յոյն ակտիվիստներու կարծիքով՝ մեծ է հաւանականութիւնը, որ մահաբեր «Պայրաքթարներու» արտադրութեան մէջ օգտագործուող ամերիկեան տեխնոլոգիաներու մատակարարումը Թուրքիային ի վերջոյ կը դադարեցուի:

Խօսքը, յիշեցնենք, թուրքական այն հարուածային անօդաչուներու մասին է, որոնք լայնօրէն կիրառուած են 2020 թ. Արցախի դէմ պատերազմին՝ հսկայական մարդկային ու նիւթական կորուստներ պատճառելով հայկական զինուած ուժերուն եւ խաղաղ բնակչութեանը: