Արեւմտեան Հայաստանի Վանա լիճի Աղթամար կղզիին մէջ գտնուող եւ հայերու համար մեծ նշանակութիւն ունեցող պատմական Սուրբ Խաչ եկեղեցիին մէջ կայանալիք 9-րդ պատարագի նախապատրաստական ​​աշխատանքներն սկսած են:

Կղզիի վրայ գտնուող եկեղեցիի վերականգնման աշխատանքներն սկսած են 2005 թուականին: Այս աշխատանքներու աւարտէն ետք 2007 թ. միջազգային հնչեղութեան արարողութեամբ այն բացուած է որպէս «Յուշ թանգարան»։ Պատմական Սուրբ Խաչ եկեղեցիին մէջ առաջին պատարագը կատարուած է 2010 թուականի Սեպտեմբերի 19 -ին:

Ինչպէս նախորդ տարի, այս տարի նոյնպէս կը սպասուի, որ պատարագին կը ներկայանայ Թուրքիայի հայոց պատրիարքարանէն 25 անձէ կազմուած խումբ: Այս ծէսը նոյնպէս կը կատարուի սահմանափակ մարդկանց մասնակցութեամբ՝ համաճարակի կանոններուն համապատասխան, սակայն այն կենդանի եթերով կը ցուցադրուի ամբողջ աշխարհին:

Ինչպէս գիտենք, Արեւմտեան Հայաստանի Աղթամար կղզին եւ Վանա լիճը կը հանդիսանան  համաաշխարհային մշակութային ժառանգութիւն: