ՀՀ Պաշտպանութեան նախարար Արշակ Կարապետեանը իր առջեւ ծառացած երեք հիմնական խնդիր կը տեսնէ նոր, արդիականացուած բանակ ունենալու եւ երկրի անվտանգութեան մարտահրաւերներուն դիմակայելու ճանապարհին, որոնցմէ առաջինը նոր եւ որակով սպառազինութիւն, երկրորդը՝ զէնքի սեփական արտադրութիւն ունենալն է եւ երրորդը՝ ՊՆ-ի եւ արտադրող ձեռնարկութիւններու միջեւ միջնորդներ թոյլ չի տալը:

 «Արմենփրես»-ի հաղորդմամբ՝ այդ մասին պաշտպանութեան նախարարն ըսած է Մոսկուայի մէջ՝ «Արմիա-2021» ռազմաարդիւնաբերական ցուցահանդէսի շրջանակներուն: Ընդ որուն, նախարարը շեշտած է, որ բոլոր երեք խնդիրներու կատարման մէջ կարեւոր դէր կը խաղայ ռազմավարական դաշնակից Ռուսաստանի Դաշնութիւնը, որը լիովին կ՛աջակցի Հայաստանին:

«Մենք, որպէս ազգ, պէտք է կարողանանք արտադրել սեփական զէնքը», – ընդգծեր է պաշտպանութեան նախարարը եզրափակելով իր խօսքը․«Կը կարծեմ՝ այս երեք պայմանները պահպանելու պարագային անպայման կը ստանանք նոր, արդիականացուած եւ 21-րդ դարին համահունչ բանակ եւ կը կարողանանք դիմակայել  առկայ վտանգներու հանդէպ»։