ՀՀ գիտութիւններու ազգային ակադեմիայի նախագահ ակադեմիկոս Աշոտ Սաղեանը Արցախի մէջ հանդիպումներ ունեցած է Արցախի պետնախարար Արտակ Պեգլարեանի, ԿԳՄՍ նախարար Լուսինէ Ղարախանեանի եւ Արցախի գիտական կենտրոնի տնօրէն Անիուտա Սարգսեանի հետ:
«Արմենփրես»-ի փոխանցմամբ՝ յայտնած են, որ քննարկած են Արցախի գիտական կենտրոնի զարգացման եւ ուժեղացման հարցերը, ՀՀ Գիտութիւններու Ազգային Ակադեմիայի գիտական կազմակերպութիւններու հետ համագործակցութեան ընդլայնման հնարաւորութիւնները:
Արցախի գիտական կենտրոնը ստեղծուեր է ՀՀ ԳԱԱ աշխուժ մասնակցութեամբ:
Հանդիպումներու ընթացքին քննարկուեր են ՀՀ ԳԱԱ-ի ինստիտուտներու աջակցութեամբ Արցախի գիտական կենտրոնին մէջ նոր գիտական ուղղութիւններով լաբորատորիաներ ստեղծելու հնարաւորութիւնները: Նախատեսուած է ստեղծել երկրաբանութեան, ռատիոֆիզիկայի, ֆիզիոլոգիայի, աստղաբանութեան ուղղութիւններով նոր գիտական խումբեր կամ լաբորատորիաներ: