Աֆղանստանի մէջ կենտրոնական իշխանութիւնը վերցուցած թալիպները կ՛ուզեն լաւ յարաբերութիւններ ունենալ Թուրքիայի հետ, բայց, միեւնոյն ժամանակ, դէմ են Աֆղանստանի մէջ թուրք զինուորներու ներկայութեանը:

Այդ մասին յայտարարած է «Թալիպան» շարժման ներկայացուցիչ Զաբիհուլլահ Մուջահիդը:

«Մենք կ՛ուզենք լաւ յարաբերութիւններ ունենալ Թուրքիայի հետ, բայց չենք ուզէր, անոր զինուորները գտնուին Աֆղանստանի մէջ», ըսած է «Թալիպան»-ի ներկայացուցիչը:

Թուրքական զօրամիաւորումը, որը 2021 թ. Տուեալներով կը կազմէ 600 զինծառայող, Աֆղանստանի մէջ կը գտնուի 2001 թուակաէն: Երբ 2021 թ. Մայիսին ԱՄՆ նախագահ Ջո Պայտենը յայտարարեց Աֆղանստանէն ամերիկեան զօրքերու դուրսբերումը մինչեւ 2021 թ. Սեպտեմբեր աւարտելու մասին, ԱՄՆ ԶՈՒ շտաբներու պէտերու միացեալ կոմիտէի նախագահ, գեներալ Մարկ Միլլին յայտնեց, որ Միացեալ Նահանգներն առաջարկեր է ամերիկեան զօրքերու դուրսբերելէ ետք օգտագործել թուրքական զօրքերը Քաբուլի միջազգային օդանավակայանի անվտանգութիւնն ապահովելու նպատակով: Սակայն թալիպները կտրականապէս դէմ կը հանդիսանան  Աֆղանստանի մէջ թուրքական զօրքի ներկայութեանը: