ՀՀ ազգային անվտանգութեան ծառայութիւնը կը տեղեկացնէ, որ Օգոստոսի 25-ին ժամը 23:00-ի սահմանները ատրպէյճանական կողմը փակած է Կապան-Գորիս միջպետական ճանապարհի Կարմրաքար-Շուռնուխ հատուածը:

«Նշուած հատուածին մէջ գտնուող փոխադրամիջոցները տարհանուած են: Աշխատանքներ կիրականացուին ճանապարհը բանալու, մարդկանց տեղաշարժի բնականոն աշխատանքը վերականգնելու ուղղութեամբ»,-

«Արմենփրես»-ի փոխանցմամբ՝  կ՚ըսուի ԱԱԾ-ի տարածած հաղորդագրութեան մէջ։ 

ՀՀ ազգային անվտանգութեան ծառայութիւնը կոչ կ՚ուղէ հետեւիլ միայն պաշտօնական լրահոսին:

Հայաստանի մարդու իրաւուքներու պաշտպան Արման Թաթոյեանն ատրպէյճանցի զինծառայողներու կողմէ կատարուած այս գործողութիւնը կը համարէ նախապէս ծրագրաւորած բացայայտ յանցագործութիւն ՀՀ քաղաքացիական բնակչութեան դէմ։

Արման Թաթոյեանն յայտնած է, որ դէպքի հետ կապուած հաղորդագրութիւններ կ՚ուղարկէ համապատասխան միջազգային մարմիններուն։