ՀՀ Շրջակայ միջավայրի նախարարութիւնն կ՚առաջարկէ Գեղամա լեռնաշղթայի Կարմիր Կատար (Թառ) լեռը ներառել բնութեան յուշարձաններու ցանկին։

«Կառավարութեան համապատասխան որոշման նախագիծով կ՛առաջարկուի «Թառ» կամ «Կարմիր Կատար» հրաբուխը ներառել բնութեան յուշարձաններու ցանկին մէջ, որը հնարաւորութիւն կուտայ ներկայ պայմաններուն ապահովել բնութեան հատուկ պահպանուող տարածքի պահպանութիւնը, արտաքին գեղագիտական եւ երկրաբանական անխաթար տեսքը, եւ որպէս երկրաբանական արժէքաւոր տարածք՝ գալիք սերունդներուն փոխանցումը», – «Արմենփրես»-ի փոխանցմամբ՝ նշուած է նախարարութեան տարածած հաղորդագրութեան մէջ:

«Գտնուելով Գեղամա լեռնաշղթայի կենտրոնական-ջրբաժանային հատուածը, Աժդահակ հրաբուխէն հարաւ-արեւմուտք՝ այն կը ներկայացնէ խարամալավային կոն’ 3530.0մ բացարձակ բարձրութեամբ, իսկ գագաթային հատուածը ունի 300մ. տրամագիծով խառնարան, որտեղ առկայ է խառնարանային լիճ: Այն ունի նաեւ զբօսաշրջային մեծ նշանակութիւն եւ կը համարուի բազմաթիւ լեռնագնացներու ու էկօզբօսաշրջութեան սիրահարներու սիրելի վայր», – կը մանրամասնէ  շրջակայ միջավայրի նախարարութիւնը: