Արեւմտեան Հայաստանի Ամասիայի թանգարանին մէջ հայկական մշակութային ժառանգութեան նմուշներ կը ցուցադրուին, բայց անոնց ծագումը լռութեան կը մատնուի Այս մասին «Twitter»-ի թուրքական տիրոյթին ահազանգած է օգտատերերէն մէկը՝ նշելով, որ հայկական ժառանգութինն ընդգրկուեր է Բիւզանդիայի պատմութեան ցուցասրահին մէջ ու անոնց հայկական ծագման մասին  խօսք չկայ։ Նոյնիսկ բաց վիճակին ցուցադրուող հնագոյն հայերէն Աստածաշունչ գիրքերու որեւէ տեղ նշուած չէ, որ հայերէն են։

«Ամասիայի թանգարանի «Արեւելեան Հռոմէական / Բիւզանդական կայսրութիւն» բաժինը լի է սխալներով։ Անփորձութիւնն, անտեղեակութիւնն, անտարբերութիւնն ու գիտակցաբար տեղեկութիւնները կոծկելու միտումը խառնուած են իրար։ Արեւելեան Հռոմէական կայսրութեան անուան տակ կը ներկայացուի Ամասիայէն ու շրջակայ տարածքներէն բերուած եւ 19-րդ դարին պատկանող արձաններ, սրբապատկերներ, Աստուածաշունչ մատեաններ։ Բայց բացատրութիւն չկայ այն մասին, թէ անոնք ինչպէս հասցուած է, իսկ եթե կայ, շատ թերի, կցկտուր է։ Աստուածաշունչները հայերէն են, բայց հայերէն ըլլալու վերաբերեալ այցելուներուն  տեղեկութիւն չէն փոխանցէր», – գրած է օգտատերը։