Մեսրոպ Մաշտոցի անուան Մատենադարանին մէջ ,երկար ընդմիջումէն ետք կրկին կը ցուցադրուի այլալեզու եզակի ձեռագիրներ։

«Բովանդակային մասով այս ցուցադրութիւնը կը տարբերուի այլ ցուցադրութիւններէն, քանի որ նախորդ ցուցադրութիւններու ժամանակ ներկայացուած էր միայն պարսկերէն ձեռագիրեր, այժմ այցելուներուն կը ներկայացուի ձեռագրեր արաբերէն, պարսկերէն, օսմաներէն ,եթովպերէն ,հին յունարէն եւ այլն» կը տեղեկացնէ Մատենադարանի աւագ գիտաշխատող Քրիստինէ Կոստիկեանը։

Հաւելենք ,որ լոյս տեսած է «Մատենադարանի պարսկերէն հրովարտակները» աշխատութեան 5-րդ հատորը, որտեղ տեղ գտած է  հայերէն եւ անգլերէն թարգմանութեամբ Իրանի Ղաջարական իշխանութիւններու կողմէ 1798-էն 1829 թուականներուն հրատարակուած 96 հրովարտակներ ,որոնք կը պահուին Մատենադարանին մէջ։