Արեւմտեան Հայաստանի Տերսիմ նահանգի Հոզաթ գաւառին մէջ ուղղաթիռէն բացուած կրակի հետեւանքով բռնկուած հրդեհը կը շարունակուի արդեն 12 օր է: Բնակելի թաղամասերուն մէջ բռնկուած հրդեհներուն պետական մարմինները չեն միջամտէր:

Տերսիմի Հոզաթ շրջանին մէջ  Ամուտկա ոստիկանական բաժին գնացող զրահամեքենայի վրայ 

յարձակուելէ ետք շրջանին մէջ օրերս սկսած է զինուած գործողութիւն: Գործողութենէն ետք ռմբակոծութեան  ենթարկուած են Դերեքիոյ եւ Գեդիկլեր գիւղերու տարածքները: 

Տերսիմի քաղաքապետ Ֆաթիհ Մեհմեթ Մաչօղլուն եւ խումբ մը լրագրողներ մեկնած են Կարպեր գիւղի ծայրամասը, որտեղ հասած էր կրակը: Ինչպէս նշած է Մաչօղլուն՝ հակառակ անոր, որ տարածքին մէջ ծխի ամպեր կը բարձրանան, կրակը հանգցնելու համար ոչ մէկ չէ միջամտած:  12 օր է հրդեհը կը շարունակուի, որուն միջամտելու կարիք կայ: Որոշ փոխադրմիջոցներ փորձած են մեկնիլ հրդեհի վայր, սակայն չէ յաջողուած՝ ճանապարհի քարքարոտ ըլլալու պատճառով: