Արցախցիներուն սեփական կայուն եկամուտով ապահովելու, վերջերս շրջանին մէջ ձեռներեցութեամբ զբաղուիլը խթանելու եւ կեանքի որակը բարձրացնելու նպատակով Արցախի մէջ կը հիմնուի 1000 սոցիալական պիզնես։

Այս մասին յայտնած է ՀՀ աշխատանքի եւ սոցիալական հարցերու նախարարութիւնը: 

1000 պիզնեսի հիմնման գործին ներդրում կ՛ունենայ Հայաստանէն եւ Սփիւռքէն 1000 հայ ընտանիք։ Նախաձեռնութիւնն արդեն իսկ գործնական փուլի մէջ է․ «Հայաստան» համահայկական հիմնադրամի տնօրէն Հայկակ Արշամեանի հետ ձեռք բերուած պայմանաւորուածութեան համաձայն՝ նախատեսուած թիւէն 100 պիզնեսի հիմնուիլն (ջերմոցային տնտեսութիւն) կ՛իրականացուի։։

Պիզնես հիմնելու գաղափարին կ՛աջակցեն շարք մը կազմակերպութիւններ եւ անհատներ եւս, որոնց հետ համագործակցելու ուղղութեամբ ՀՀ աշխատանքի եւ սոցիալական հարցերու նախարարութեան կողմէ ակտիվ աշխատանքներ կ՛իրականացուին։