Օգոստոսի 30-ին տեղի ունեցած է ՀՀ պաշտպանութեան նախարար Արշակ Կարապետեանի հանդիպումը Հայաստանի Հանրապետութեան մէջ Չինաստանի Ժողովրդական Հանրապետութեան արտակարգ եւ լիազոր դեսպան Ֆան Յունի հետ:

Այս մասին տեղեկացուցած են ՀՀ ՊՆ-էն։

Հանդիպմանը մասնակցած են նաեւ ՀՀ-ի մէջ Չինաստանի Ժողովրդական Հանրապետութեան  դեսպանութեան պաշտպանական հարցերով ռազմական կցորդ, աւագ գնդապետ Սուն Ցզիլունն ու անոր օգնականը:

Չինաստանի Ժողովրդական Հանրապետութեան արտակարգ եւ լիազոր դեսպանը շնորհաիորած է Արշակ Կարապետեանին պաշտպանութեան նախարարի պաշտօնին նշանակուելու կապակցութեամբ եւ նորանոր յաջողութիւններ մաղթած է պատասխանատու պետական առաքելութեան համար:

Հանդիպման ընթացքին ՀՀ պաշտպանութեան նախարարը դեսպան Ֆան Յունին տեղեկացուցած է տարածաշրջանային իրադրութեան մասին եւ ներկայացուցած է ՀՀ սահմանամերձ շրջաններուն վերջին օրերու զարգացումները:

Կողմերը բարձր գնահատած են հայ-չինական փոխգործակցութիւնը քաղաքական, տնտեսական, հումանիտար, կրթական եւ այլ ոլորտներուն: Քննարկած են նաեւ պաշտպանական բնագաւառին մէջ երկկողմ համագործակցութեան ընթացքն ու ապագայ ծրագիրները: