ԱՄՆ բանակն յայտարարած է Աֆղանստանէն ամբողջովին դուրս գալու մասին: Անոնց հեռանալէ ետք Թալիպան ուժերը մտած են օդանավակայան եւ գրաւած ամերիկեան բանակի ձգած սարքաւորումները:

Այսպիսով, ԱՄՆ-ի ամենաերկար՝ 20-ամեայ ռազմական միջամտութիւնը աւարտուեցաւ, երբ թալիպները վերահսկողութիւն հաստատեցին երկրի վրայ:

Տարածաշրջանին մէջ ԱՄՆ գլխաւոր ռազմական հրամանատար, գեներալ Մաքքենզին յայտարարած է, որ ընդհանուր առմամբ աւելի քան 123,000 խաղաղ բնակիչ տարհանուած է ԱՄՆ -ի եւ կոալիցիայի ինքնաթիռներու միջոցով:

Աֆղանստանէն դուրս գալու մասին յայտարարութենէն ետք տեսախցիկներու առջեւ յայտնուած  ԱՄՆ պետքարտուղար Էնթոնի Բլինկենն ըսաւ․«Այսօրուայ դրութեամբ մենք դադարեցուցած ենք մեր դիւանագիտական ​​ներկայութիւնը Քապուլի մէջ եւ այն տեղափոխած ենք Քաթարի մայրաքաղաք Տոհա»: