Հրդեհները կը շարունակուին Արեւմտեան Հայաստանի տարբեր շրջաններուն՝  Պաղեշի` Բուզլուփընար հանգստեան գոտիի տարածքին, Տերսիմի Հոզաթ գաւառին եւ Փուլումուր հովիտին մէջ՝ որտեղ հրդեհն սկսած էր ռազմական գործողութիւններու արդիւնքին, իսկ  Ռոժ հովիտին մէջ առաջացած հրդեհին հրդեհաշիջման աշխատանքեր չեն  կատարուած։ 

15 օր առաջ Հոզաթ գաւառին մէջ սկսած հրդեհը դեռեւս  տեղ-տեղ կը շարունակուի: Տերսիմ նահանգի Մնձուր հովիտին հրդեհաշիջման աշխատանքներուն մասնակցած քաղաքացիներէն ստացուած տեղեկութեան համաձայն 3 օր առաջ սկսած անտառային հրդեհը վերահսկողութեան տակ է: 

Պաղեշի Բուզլուփընար հանգստեան գոտիի տարածքին մէջ առաջացած հրդեհի պատճառով բարձրավոլտ բաշխիչ գիծին պայթուն առաջացած է։  Ըստ մամուլի մէջ տարածուած հաղորդագրութիւններուն՝ անտառային հրդեհի տարածքին մէջ գտնուող ռազմակայանի անձնակազմը տարհանուեր է։