Պաքուի կառավարութեան որոշումով՝  2021-2025 թուականներուն պատերազմի զոհերու ու վիրաւորներու ընտանիքներուն կը յանձնուի 11 000 բնակարան։ Պաքուն պատերազմի ժամանակ զոհերու թիւը յայտարարած է մոտ 3000, վիրաւորները՝ 1000։ Աւելի վաղ, Թուրքիայի կառավարութիւնը որոշում ընդունած էր օգնութիւն տրամադրել 6000 զոհերու ընտանիքներուն։

Պաքուն գաղտնի կը պահէ զոհերու ու վիրաւորներու թիւը, սակայն այս միջոցառումներն աստիճանաբար կը բացայայտեն իրական կորուստները։ Ըստ միջազգային ռազմական փորձագետներու՝ Պաքուի կորուստները 2020-ի պատերազմի ժամանակ կը հասնի 20-25 հազարի։

Ալիեւը յայտարարած է, որ Նոյեմբերի 9-ին պատերազմը չկանգնեցնելու պարագային կորուստներն աւելի շատ կ՚ըլլային։ Այսինքն, պատերազմը շարունակուելու պարագային, նոյնիսկ Շուշիի օկուպացիայի պայմաններուն, Պաքուն կարող էր կորսնցնել իր բանակը։ Այս թեման աստիճանաբար կը սկսի առաջին պլան մղուիլ, որը կարող է լոյս սփռել պատերազմի շատ հանգամանքներու վրայ։