Սեպտեմբերի 1-ը Հայաստանի Հանրապետութեան մէջ կը նշուի որպէս գիտելիքի օր։ Այդ օրը բազմահազար աշակերտ-ուսանողներու առջեւ իրենց դուռերը կը բանան բոլոր ուսումնական հաստատութիւնները։ Դարեր շարունակ գիտելիքն ու կրթութիւնը իրենց մեծ աւանդն ունեցած են հայ ժողովուրդի՝ մշակոյթով ու աւանդոյթներով հարուստ պատմութեան մէջ։ Հայ ժողովուրդի բազում զաւակներ իրենց գիտելիքով մասնագիտութեամբ բեկումնային փոփոխութիւն բերած են աշխարհի տարբեր գիտական բնագաւառներուն՝ պատմութեան մէջ մնալով եզակի եւ անփոխարինելի։ Բազմաթիւ ազգեր, այդպէս ալ չունենալով սեփական այբուբենը, հայ ազգը դեռեւս 405 թուականին ունեցած է իր այբուբենը՝ շնորհիւ Մեսրոպ Մաշտոցի։  

Կրթութիւնն ու լուսաւորութիւնը այն կարեւորագոյն հոգեւոր սնունդն են, որով  կը սնուի ու կը հարստանայ ազգը, կրթուածութիւնն ու գիտելիքը կ՛առաջնորդեն ազգին՝ աւելի խորքային ճանաչելու սեփական հայրենիքը, պատմութիւնն ու իրաւունքները, աւելի ճիշտ կողմնորոշուելու մասնագիտական ընտրութեան մէջ թէ աւելի գրագէտ պաշտպանելու սեփական երկրի եւ քաղաքացիի իրաւունքները՝ միջազգային հարթակներուն։

Եւ այսպէս, Արեւմտեան Հայաստանը կը շնորհաւորէ հայ ժողովուրդին՝ գիտելիքներու օրուայ կապակցութեամբ, կը ցանկանայ  յաջողութիւններ նոր ուսումնական տարուան, եւ կը փափագի, որ ոչ մէկ հայ մարդ չմնայ առանց կրթութեան եւ լուսաւորութեան։