Ինչպէս յայտնած են Արցախի Հանրապետութեան նախագահի աշխատակազմի տեղեկատուութեան գլխաւոր վարչութենէն՝ երկրի ղեկավարը ծանօթացած է Ստեփանակերտի բնակիչներուն երաշտի պայմաններուն շուրջօրեայ խմելու ջուրով ապահովելու նպատակով Պատարա գետէն դէպի մայրաքաղաքի ջրամատակարարման համակարգ տանող խողովակաշարի կառուցման աշխատանքներուն, որոնք նախատեսուած է աւարտել 2022 թուականի Յունիսին։

Նախագիծը կեանքի կոչելով վերջնականապէս կը լուծուի մայրաքաղաք Ստեփանակերտի ջրամատակարարման հարցը, ինչպէս նաեւ Ասկերանի շրջանի  շարք մը համայնքներ կապահովվեն խմելու եւ ոռոգման ջուրով։ Այս ուղղութեամբ նախագահը յանձնարարած է հնարաւորինս կարճ ժամանակահատուածին աւարտել նախապատրաստական աշխատանքներն ու սկսիլ ակտիվ շինարարութեան փուլը։