Աֆղանստանէն ԱՄՆ-ի եւ ՆԱՏՕ-ի անդամ գործընկերներու, մասնաւորապէս` Թուրքիայի զօրքերու դուրսբերումն արտագաղթի ալիք բարձրացուցած է վերջերս  համագործակցած քաղաքացիներու հետ եւ ուժերու շրջանին: Թուրքիան այս երկրի մէջ երկար տարիներ զօրքեր պահելուն զուգահեռ ձեւաւորած էր հիմնականը թրքալեզու խմբաւորումներ: Վերջերս առկայ էին նաեւ վերջին 20 տարուայ որոշակիօրէն թրանսֆորմացուած «Ալ Քաիդա» ահաբեկչական կազմաւորման տարբեր խմբաւորումներուն: Բնական է, որ Անկարան չի ցանկանար այդ ռազմականացուած ահաբեկչական խմբաւորումները տեղափոխել իր տարածք, այլ հնարաւորութեան պարագային կը տեղակայէ այն տարածաշրջաններուն մէջ, որտեղ դեռ չաւարտած գործեր ունի: Անոր համար ամենահարմար վայրը Արցախի Հանրապետութեան օկուպացուած տարածքներն են, եւ հաւանականութիւնը մեծ է, որ այդ գործընթացն արդեն սկսած է:  Արցախի Հանրապետութեան արտաքին գործերու նախարար Դաւիթ Պապաեանն օրերս «NEWS.am»-ին յայտնած էր, որ «Ալ Քաիդա»-ի գրոհայիններէն մի քանին շտապ կարգով տեղակայուած են Ատրպէյճանի կողմէ գրաւուած Արցախի Հանրապետութեան տարածքներուն: «Մենք կը տեսնենք խորապէս մտածուած աշխարհաքաղաքական գիծ, որտեղ ակտիվօրէն կ՛օգտագործուի արմատական ահաբեկչական ուժեր: Տեղի ունեցողը ինչ-որ կերպ պահելու համար տեղեկութիւններ  կը տարածեն Արցախի օկուպացուած հատուած իբր աֆղանցի փախստականներու տեղափոխման մասին»,- յայտարարած էր Դաւիթ Պապաեանը:

Պարզ է, որ Արցախի տարածքն օկուպացնելու մէջ առաջնային դեր խաղցած Թուրքիան կը որոշէ այդ տարածքներ վերաբնակեցման հարցը, եւ այդ առաջին հերթին կ՛ընէ տարիներու ընթացքին տարածաշրջանի տարբեր անկիւններուն ձեւաւորած ահաբեկչական ծայրահեղական զինուած խմբաւորումներու միջոցով, որոնք պաշտօնական Անկարային դեռ երկար ժամանակ  պէտք կուգան տարածաշրջանի եւ անոր սահմաններէն դուրս թափ հաւաքող իր ծաւալապաշտական գործողութիւններու  համար: Ատրպէյճանին այս պարագային ոչինչ չի մնար, բացի ահաբեկչական խմբաւորումներու մուտքն իր երկիր փախստականներու անուան տակ շղարշելէ: Ատրպէյճանի պետական միգրացիոն ծառայութեանն առընթեր հասարակական խորհուրդի նախագահ Ազեր Ալլահվերանովը վերջերս յայտարարած էր, որ Աֆղանստանի Հերաթ քաղաքին մէջ  բնակուող 16 հազար ատրպէյճանցիներու առաջնորդը դիմած է իրենց՝ ըսելով, որ շատ կը ցանկանային ապաստան գտնել Ատրպէյճանի մէջ: Իրականութեան Թուրքիան Ատրպէյճանի հետ միասին, խաղաղ բնակչութեան քողի տակ, Արցախի օկուպացուած տարածքներ կը տեղափոխէ «Ալ Քաիդայի» խմբաւորումներէն՝ թուրքամետ «Վիլայաթ հորասանի» ահաբեկիչներուն: Աֆղանստանի մէջ արդեն սրուած են յարաբերութիւնները վերջերս եւ «Թալիբան» շարժման միջեւ։