«Ալեքսանտր Սպենտիարեան-150» երաժշտական փառատօնի շրջանակին Ալեքսանտր Սպենտիարեանի տուն-թանգարանն արուեստասեր հասարակութեանը Սեպտեմբերի 4-ին եւ 5-ին կը հրաւիրէ Գիւմրի: «Արմենփրես»-ի փոխանցմամբ՝ այս մասին նշուած է ՀՀ ԿԳՄՍ նախարարութեան տարածած հաղորդագրութեան մէջ:

Սեպտեմբերի 4-ին, ժամը 15:00-ին, ԵՊԿ Գիւմրիի մասնաճիւղի փոքր դահլիճին մէջ կը կայանայ «Սպենտիարեանը Հայաստանի մէջ» խորագիրով հանդիպում-դասախօսութիւն:  Յաջորդիվ՝ համերգ ԵՊԿ կոնսերվատորիայի ուսանողներու մասնակցութեամբ:

«Սեպտեմբերի 5-ին, ժամը 20:00-ին, բացօթեայ համերգ տեղի կ՛ունենայ Գիւմրիի ժողովրդական ճարտարապետութեան եւ քաղաքային կենցաղի թանգարանի բակին մէջ: Համերգին կը մասնակցին անուանի եւ վաստակաւոր երաժիշտներ, արուեստի գործիչներ»,- յայտնած են նախարարութենէն:

Փառատօնը կազմակերպած է ՀՀ ԿԳՄՍ նախարարութեան աջակցութեամբ, Ա. Սպենտիարեանի տուն-թանգարանի նախաձեռնութեամբ: