Արեւմտեան Հայաստանի Անի քաղաքի պեղումներու արդիւնքին յայտնաբերուած առիւծի պատկերաքանդակով դարաւոր քարերը բացուած են տեղացի եւ օտարերկրեայ զբօսաշրջիկներու համար:

Հնագոյն Անի քաղաքը՝ կառուցուած 85 հեկտար տարածութեան վրայ, որտեղ եղած են հին քաղաքակրթութիւններ եւ որտեղ ապրած է բնակչութեան զգալի մասը, իր 1,500 ստորգետնեայ կառոյցներով լոյս կը սփռէ հայ ժողովուրդի պատմութեան վրայ:

35 հնագետներէ կազմուած խումբը  կ՛աշխատի Անիի մէջ, որտեղ դեռեւս կանգուն են մոտ 25 կարեւոր պատմական կառոյցներ` հայերու կառուցած պարիսպները, տաճարը, պալատը, եկեղեցիները, վանքերը,, բաղնիքը, կամուրջը եւ փակ անցումը: Անոնցմէ որոշ մաս աւիրուած է:

Պեղումներու ժամանակ յայտնաբերուած մշակութային արժէքները գրանցուած են: Անիի աւերակներու պեղումներու ժամանակ յայտնաբերուած պատմական արտեֆակտներն ու առիւծի քանդակներով քարերը տեղադրուած են ցուցադրութեան Կարսի թանգարանին մէջ: