Ատրպէյճանի մէջ պահուող հայ ռազմագերիներու եւ քաղաքացիական անձերու վերադարձը հայրենիք ժամ առաջ ապահովելու համար Հայաստանը միջազգային գործընկերներու աջակցութեան եւ միջազգային ճնշումն այս հարցով զօրացնելու կարիքն ունի։

Այս մասին Հայաստանի մէջ Կարմիր խաչի միջազգային կոմիտէի (ԿԽՄԿ) պատուիրակութեան ղեկավար Թիերի Ռիբոյի հետ կայացած հանդիպման ժամանակ շեշտած է արդարադատութեան նախարար Կարեն Անդրեասեանը:

Նախարարը բարձր գնահատած է ԿԽՄԿ առաքելութիւնը Ատրպէյճանի մէջ պահուող հայ ռազմագերիներուն եւ քաղաքացիական անձերու այցելելու եւ

 անոնց կապն ընտանիքի հետ մշտապէս ապահովելու հարցով: Ան Թիերի Ռիբոյի հետ կիսուած է խորը մտահոգութեամբ՝ կապուած Ատրպէյճանի մէջ գտնուող հայ գերիներու ու պատանդներու խոշտանգումներու, անմարդկային եւ նուաստացուցիչ վերաբերմունքի հետ։ 

ԿԽՄԿ պատուիրակութեան ղեկավարը ներկայացուցած է հետպատերազմեան շրջանին կառոյցի իրականացուցած գործունէութիւնն ու անդրադարձած է երկու կողմերուն հետաքրքրութիւն ներկայացնող այլ հարցերու։

Հանդիպման ընթացքին զրուցակիցներն ընդգծեր են իրենց պատրաստակամութիւնը՝ երկու կառոյցներու միջեւ առկայ համագործակցութիւնն առաւել խորացնելու հարցին։