Թուրքիայէն, Ղազախստանէն, Ղրղզստանէն, Ուզբեկստանէն 30 լրագրողներ այցելած են Շուշի։

Այս մասին, ինչպէս հաղորդած է «Արմենփրես»-ը, կը յայտնէ թուրքական «Անատոլու» լրատուական գործակալութիւնը։ Լրագրողները Շուշի այցելած են «Թուրքալեզու պետութիւններու համագործակցութեան խորհուրդի» կողմէ կազմակերպուած ծրագիրի շրջանակներուն։

Յիշեալ պետութիւններէն եկած լրագրողները  բացի Շուշի եղած են նաեւ 44-օրեայ պատերազմի հետեւանքով Ատրպէյճանի վերահսկողութեան տակ անցած Վարանդայի (Ֆիզուլի), Ջրականի (Ջապրայիլ), Ակնայի (Աղդամ) շրջաններուն մէջ։