Խօսելով ԵԱՀԿ Մինսքի խումբի համանախագահութեապ շրջանակներուն Արցախի հարցով բանակցութիւններու վերսկսման մասին, ՌԴ Արտաքին գործերու նախարար Լավրովն ըսած էր, որ խօսքը  գործընթացի վերսկսման մասին չէ, խօսքը Նոյեմբերի 9-ի ու այս տարուայ Յունուարի 11-ի եռակողմ ստորագրուած փաստաղթղթերու կէտերը կատարելու մասին է։

Կառուցողական կուսակցութեան ղեկավար Անդրիաս Ղուկասեանը մասնաւորապէս ըսած է․«Քառօրեայ պատերազմի ընթացքին եղած է ժամանակահատուած մը, երբ Ռուսաստանը դուրս եկած է ԱՄՆ եւ Ֆրանսիայի հետ իր պայմանաւորուածութիւններէն, իսկ անոնք Մինսքի ֆորմատով իրար մէջ Արցախի հարցով համաձայնութիւն  ձեռք բերած էին, եւ սկսած  գործել ինքնուրոյն։ Հարցը կը վերաբերուի ռուսական զօրքերու՝ Արցախի մէջ տեղակայման։ Մինսքի խումբի համանախագահ պետութիւններու միջեւ կար պայմանաւորուածութիւն, որ Արցախի մէջ խաղաղարար գործողութեան մէջ պէտք չէ ներգրաւուէին ոչ Ռուսաստանի, ոչ Ֆրանսիայի, ոչ ԱՄՆ զօրքերը, ոչ ալ տարածաշրջանի մէջ որեւէ այլ պետութեան, մասնաւորապէս, Թուրքիայի։ Եւ Ռուսաստանի Դաշնութիւնը խախտած է այդ պայմանաւորուածութիւնը»։

Ըստ Ղուկասեանի՝ ԱՄՆ-ն ու Ֆրանսիան կը պահանջեն, որպէսզի այն, ինչ պայմանաւորուած եղած ր համանախագահութեան ֆորմատով, կատարուի։ Եւ իրենք մտադիր չեն որեւէ ուժով արձանագրուած արդիւնքը ճանաչել օրինական եւ կը մերժեն Ռուսաստանի միակողմանի խաղաղարար դերակատարութիւնն Արցախի մէջ։

Նիւթն ամբողջութեամբ կարող էք կարդալ հետեւեալ հղումով․

https://www.lragir.am/2021/09/05/666096/