Հայաստանի Հանրապետութեան ՄԻՊ Արման Թաթոյեանը ֆեյսբուքեան իր էջին գրած է ․«Այսօր ընդունեցի Հարաւային Կովկասի մէջ եւ ճգնաժամի հարցերով Վրաստանի մէջ Եւրամիութեան հատուկ ներկայացուցիչ Տոյվո Կլաարի գլխաւորած պատուիրակութեանը: Հանդիպմանը մասնակցած է նաեւ Հայաստանի մէջ ԵՄ պատուիրակութեան ղեկավար, ԵՄ դեսպան տիկին Անտրիա Վիկտորին:

Ներկայացուցած եմ հետպատերազմական փուլին ատրպէյճանական իշխանութիւններու պատճառով ՀՀ սահմանային բնակիչներու իրաւունքներու խախտման փաստերը: Նշած եմ, որ ՀՀ պետական սահմանի հետ կապուած հարցերը միայն ռազմաքաղաքական տեսանկիւնէն դիտարկելը սխալ է, քանի որ երկրորդական ծրագիր կը մղուին մարդու իրաւունքները։ Նշած եմ, որ ատրպէյճնական անօրինական արարքներու հետեւանքով մարդիկ զրկուած են նոյնիսկ դեռ խորհրդային ժամանակներէն իրենց պատկանող տուներէն, հողատարածքներէն, որու հետեւանքով առաջացած են թէ սոցիալական թէ անվտանգային լուրջ խնդիրներ:Ատրպէյճանական զինուորականներու անօրինական ներկայութիւնը ՀՀ ինքնիշխան տարածքին մէջ, օրինակ՝ Սեւ լիճի, անվտանգային լուրջ խնդիրներ առաջացուցած է շրջակայ բնակավայրերու համար։ Ներկայացուցած եմ Սիւնիք կատարած վերջին այցերէս մէկի ժամանակ տեղի ունեցած դէպքերը, որու հետեւանքով անձամբ համոզուած եմ, որ ատրպէյճանական զինծառայողներու ներկայութիւնը ՀՀ Սիւնիքի համայնքներու միջեւ ճանապարհներուն մարդկանց առաջնահերթ կեանքի ու ազատ տեղաշարժման իրաւունքներու խախտում է: Ընդգծեր եմ, որ Ատրպէյճանի հետ միայն սահմանազատումը` առանց անվտանգութեան գոտի ստեղծելու, առանց ատրպէյճանական զինուած ծառայողներու, անոնց ցուցանակներու ու տեսախցիկներու հեռացման, ոչ միայն  չապահովելու ՀՀ քաղաքացիներու ու հատկապես ՀՀ սահմանային բնակիչներու իրաւունքները, այլ կը դառնայ իրաւունքներու նոր խախտումներու ու նոր լարուածութեան պատճառ»: