Հայաստանը՝ արեւելքէն եւ արեւմուտքէն գտնուելով շրջափակման մէջ, տարիներ շարունակ արտաքին աշխարհի հետ կապ  հաստատած է Վրաստանի եւ Իրանի տարածքով։  Նոր սերունդի ներկայացուցիչներէն քիչերը տեղեակ են, որ արցախեան առաջին պատերազմի տարիներուն՝ 90-ականներու սկիզբը, որոշ ժամանակահատուած Իրանը դարձած էր դուրսի հետ կապող Հայաստանի միակ ճանապարհը։ Հետեւաբար, պէտք է արձանագրենք, որ Իրանի հետ փոխադրամիջոցի կապը ոչ միայն ունի տնտեսական, այլ եւ ռազմական նշանակութիւն։

2020 թուականի Նոյեմբերի 9-ի եւ Յունուարի 11-ի եռակողմ յայտարարութիւններու հետեւանքով՝ ատրպէյճանական զօրքերու վերահսկողութեան տակ անցաւ նաեւ Գորիս-Կապան՝ Հայաստանը Իրանին կապող միջպետական ճանապարհի 21 կմ հատուածը։

2021 թուականի Օգոստոսի 25-էն թշնամին տարբեր պատճառաբանութիւններով կը փակէ այդ ճանապարհահատուածը, իսկ Սեպտեմբերէն սկսած է տուրք գանձել իրանական բեռնատարներէն։ Հարկ է յիշեցնել, որ անկախութեան տարիներէն ի վեր չէ եղած դէպք, որ սահմանափակուի կամ արգիլուի Իրանի հետ ավտոմոբիլային կապը։ Ներկայիս առկայ չէ գործող որեւէ այլ ընտրանքային ճանապարհ,որը թոյլ կուտայ ապահովել անվտանգ եւ անխափան փոխադրամիջոցի կապ երկիրներու միջեւ։ Գորիս-Կապան ճանապարհահատուածի այս ռիսկային իրավիճակը կարող է լուրջ վնասներ հասցնել Հայաստանի տնտեսութեանը, քանի որ այս ճանապարհներով նաեւ կը փոխադրուին ասիական երկիրներու բեռները։ Այս ամենին զուգահեռ կը նկատուի Հայաստանէն դէպի Իրան արտահանման ծաւալներու նուազում։