Թուրքական պետութիւնը եւ անոր վարձկանները թալանած են Աֆրինի մէջ գտնուող 60 պատմական վայրեր: Միայն 2021 թուականին Թուրքական պետութիւնն ու անոր աւազակախումբերը  շինարարական տեխնիկայի միջոցով քանդեր են կրօնական տաճարներն ու դամբարանները, պեղեր են 15 պատմական բլուր:

Աֆրինի պատմական վայրերու տնօրինութեան համանախագահ Սելահ Սինոն յայտարարած է, որ թուրքական պետութիւնը կը փորձէ ոչնչացնել Աֆրինի պատմութիւնը եւ հաւելեր է. «Նեպի Հուրի շրջանին շինարարական սարքաւորումներով պեղումներ  կատարուած է: Հռոմէական դամբարանը, որը կը  գտնուի Նեպի Հուրիէն 650 մետր հարաւ, փորուած եւ թալանուած է: 2019 թուականին Նեպի Հուրիի մէջ յայտնաբերուած խճանկարը անօրինական, մաքսանենգ ճանապարհով տեղափոխուեր է: Աֆրինի պատմական վայրերու տնօրինութիւնը գրանցեր է այս յանցագործութիւնը»:

Սինոն ուշադրութեան հրաւիրելով Այն Դարայի պատմական աւերածութիւններու վրայ ՝ ըսած է. «Թուրքական պետութիւնը եւ անոր վարձկանները Այն Դարան վերածեր են ռազմական ուսումնական կենտրոնի: Այնտեղ գտնուող հինավուրց առիւծի արձանը ո՞վ գողցած է, ոչ մէկ տեղեակ չէ։ Աֆրինի ամենամեծ բլուրներէն մէկը `Ջինդիրեսէ բլուրի վրայ ռազմական հենակէտ  կառուցուած է»:

Քիլութիի բլուրը, որը  աւիրուած ու թալանուած  է, գրանցուած է ՅՈՒՆԵՍԿՕ -ի ցանկին:

Ահա եւս մէկ Թուրքական ցեղասպան ու թալանող քաղաքականութեան ապացոյց։ Արեւմտեան Հայաստանը, ի թիւս այս եւ նման այլ յանցագործութիւններու, կը դատապարտէ Թուրքիայի վարած քաղաքականութիւնը եւ կը յիշեցնէ, որ Արեւմտեան Հայաստանի բոլոր պատմական ու մշակութային կառոյցները նոյնպէս դեռ կը շարունակուին ոչնչանալ թուրքերու ձեռքով։