Արեւմտեան Հայաստանի Ամեդի (Տիգրանակերտ) Սուր գաւառի հարիւրաւոր պատմական տուներ քանդուեր են պետական ​​իշխանութիւններու կողմէ՝ 2015 թուականին տեղի ունեցած հակամարտութեան ընթացքին: Այս քանդուած պատմական տուներուն մէջ էր հայ արուեստագէտ, երգահան Սամի Հազինսեսի տունը, որու իսկական անունը Սամուել Ագոպ Ուլուչեան էր, ով յայտնի էր նաեւ Սամօ մականունով:

Պատմական տունը, որը կը գտնուի Խանչեփեկ թաղամասի Սուրբ Կիրակոս եկեղեցիի ետեւը,  Սամօն անցկացուցած է մանկութիւնն ու պատանութիւնը, վերանորոգուած է մասնաւոր անձերու կողմէ եւ գործեր է որպէս սրճարան: Իշխանութեան յարձակումներու արդիւնքին, շատ տուների հետ մէկտեղ Սամօյի տունն ալ քանդուեր է: 6 տարի շարունակ թաղամասի մուտքն արգիլուած է պետութեան կողմէ եւ յայտնի չէ, թէ այժմ ինչ վիճակի մէջ կը գտնուի աւիրուած տունը։

Սամօն, ով ծնած է 1925 թուականի Օգոստոսի 30 -ին, Ամեդի Դիջլէ գաւառի Հերեդան գիւղին մէջ, հայ գրող Մկրտիչ Մարկոսեանի համագիւղացին է: Ան իր մանկութիւնն ու պատանեկութիւնն անցկացուցած է Սուրի Խանչեփէկ թաղամասին մէջ, երբ անոր ընտանիքը 1927 թուականին տեղափոխուած են  Ամեդ: 

Սամուել Ուլուչեանը կատարեր է իր հեղինակած երգերը թաղամասի հարսանիքներուն: 1940 -ականներու վերջերը եւ 50-ականներու սկիզբը անոր անունը յայտնի դարձաւ՝ երգելով ազգային եւ ժողովրդական երգեր Տիարպեքիրի երաժշտական ​​ընկերութեան կազմակերպած երեկոներուն: 

Մինչեւ մահը ան վախէն միշտ գաղտնի կը պահէր էր իր հայ ըլալլը: Ան լրագրողներուն մէկ անգամ ըսած է. «Միայն իմ մահէն ետք գրեցէք, որ ես հայ եմ»: