Western Armenia TV-ի եթերով «ճանաչենք մեզ» հաղորդման շրջանակներուն, «Արարչագործութիւնէն մինչեւ երկրորդ գալուստ» գիրքի հեղինակ Աշոտ Դպիր Արեւշատեանը ներկայացուց հայի ծագումնաբանութիւնը Քրիստոնէութեան տեսանկիւնէն,  խօսեցաւ նախաքրիստոնէական եւ հետքրիստոնէական Հայաստանի ձեռքբերումներէն եւ կորուստներէն։ Հստակ մեկնաբանեց լայն տարածում ստացած պնդումը՝ ըստ որու, եթէ հայերը չ՛ընդունէին Քրիստոնէութիւնը ապա կը ձուլուէին հարեւան ազգերու հետ։ Անդրադարձաւ Քրիստոնէութեան՝ պետական կրօն ընդունուելէ ետք ծաւալած հալածանքներուն, հին գիր-գրականութեան, մատեաններու աբողջութեամբ վերացման, իբր՝ անոնք մեծամասնութեամբ մոգութիւններ կը պարունակեն, իսկ արդեն  լուսաւորուած հային այդ ամենն անհրաժեշտ չէր։