Արեւմտեան Հայաստանի Կեսարիա նահանգի հնագոյն Քիւլթեփէ քաղաքին մէջ կատարուած պեղումներու ժամանակ յայտնաբերուած է առիւծի ծնոտի ոսկոր, որը թուագրուած է 4000 տարուայ:

Անկարայի համալսարանի լեզուաբանութեան եւ պատմա-աշխարհագրութեան ֆակուլտետի հնագիտութեան բաժինի դասախօս պրոֆ. Դոկտ. Քուլակօղլուն Քիւլթեփէի մէջ լրագրողներու ներկայութեամբ կատարած յայտարարութեան մէջ ըսած է, որ 2021 թուականի պեղումներու ընթացքին շրջանին մէջ գտնուող մեծ շէնքի նկուղին մէջ գտած են բազմաթիւ կենդանիներու ոսկորներ եւ մեծ գերաններ, ինչպէս նաեւ՝ յայտնաբերուած են կերամիկական, մետաղական եւ ոսկորէ պատրաստուած բազմաթիւ իրեր:

Նշելով, որ ոսկորներու գտածոները չափազանց կարեւոր են Քիւլթեփէի եւ Արեւմտեան Հայաստանի համար, Քուլակօղլուն ըսած է. «Մեր կատարած պեղումներու ընթացքին յայտնաբերած ենք առիւծի, արջի, լեռնային ոչխարի, եւ վայրի խոզի ոսկորներու կոյտ: Այս բոլոր ոսկորները կը պատկանին մեծ եւ վայրի կենդանիներուն: Անոնք կարելի է գնահատել հետեւեալ ձեւ. կենդանիներ, որոնք ապրած են Արեւմտեան Հայաստանի Էրքիես լեռին շրջակայքին կամ բարձր լեռնային շրջաններուն կամ ալ Սեբաստիայի շրջակայքին։ Մենք այդ ոսկորները կը թուագրենք 4 հազար տարեկան: Անոնք վայրի կենդանիներ են, որոնց որսալով բերած են Քիւլթեփէ»: