Արեւմտեան Հայաստանի Վան քաղաքին մէջ սկսած է տեղալ երկար սպասուած անձրեւները: 20 վարկեան շարունակ տեղացած հորդ անձրեւը բացասաբար անդրադարձած է քաղաքի եւ բնակիչներու վրայ։

Հիմնարկներու տէրերը մեծ ջանքեր գործադրած են` իրենց հիմնարկի տարածք լեցուած ջուրը հեռացնելու համար: Տեղացած անձրեւը փողոցները ջուրի լճակներ առաջացուցած է: Դժուար կացութեան առաջ  կանգնած է նաեւ երթեւեկութիւնը: Պատկան մարմինները ձեռնարկած են ջրահեռացման միջոցառումներ՝ հնարաւորինս արագ բանալու փողոցները՝ երթեւեկութեան համար։