Արեւմտեան Հայաստանի Քիլիս նահանգին մէջ (Կիլիկիա) 1989 թուականէն սկսած պեղումներու արդիւնքին ի յայտ եկած սահմանամերձ Օյլում բլուրին մէջ բացայայտուած նոր կառոյցներն ու պատմական արտեֆակտներն ապացոյց են, որ այս վայրը եղած է վարչական կենտրոն եւ ռազմական բազա։

Պեղումներու խումբի ղեկավար պրոֆ. դոկտոր Աթիլլա Էնկինը եւ իր խումբը  Օյլում բլուրին մէջ կը շարունակեն պեղումները: Ինչպէս նշած է Էնկինը՝  ջուրի երես դուրս կուգան երկաթէ եւ պրոնզէ դարերուն պատկանող  պատմական արժէքները, որոնք ոգեւորութիւն կ՛առաջացնեն։ Անոր խօսքով՝ 2021 թուականին կատարուած պեղումներու ժամանակ ի յայտ եկած 3800-3900 տարեկան թուագրուող յուշարձան-կառոյցը, խեթական թագաւորի կնիքն ու գրութիւնները, սեպագիր արձանագրութիւնները կը հաստատեն այն կասկածները, որ տարածաշրջանը ծառայեր է որպէս կարեւոր վարչական կենտրոն եւ ռազմական բազա:

Օյլում բլուրն իր չափերով, որպէս բլուր, Արեւմտեան Հայաստանի եւ տարածաշրջանի ամենամեծ բնակավայրերէն է: Դատելով անոր գտնուելու վայրին, ինչպէս այսօր Քիլիսն է սահմանամերձ քաղաք, այնպէս ալ Օյլում բլուրը նախկին ժամանակ եղած է սահմանամերձ քաղաք: