ՄԱԿ-ը իր նոր զեկոյցի ժամանակ յայտարարած է, որ մինչեւ 2030 թուականը ջերմոցային գազերու արտանետումներն կաւելնան 16 տոկոսով եւ աշխարհը դեռ հեռու է Փարիզի Համաձայնագիրի այն կէտէն, որտեղ նշուած է ընդհանուր ջերմաստիճանի բարձրացումը 2 աստիճանէն ցած պահելու միտումը:

ՄԱԿ-ի գլխաւոր քարտուղար Անտոնիոյ Գուտերեշը նախազգուշացուցած է, որ «աշխարհը աղետի ճանապարհին է, որը կը տանի դէպի ջերմաստիճանի 2.7 աստիճան բարձրացում»:

Նշելով, որ Փարիզի Համաձայնագիրով՝ ընդհանուր ջերմաստիճանի աճը 1,5 աստիճանէն ցած չի պահելու պարագային շատ զոհեր կ՛ըլլան, Գուտերեշն ըսաւ. «Մենք ունինք նպատակին հասնելու միջոցներ, բայց մեր ժամանակն անսահման չէ»:

Նշելով, որ G20 երկիրները պատասխանատու են ջերմոցային գազերու համաշխարհային արտանետումներու 80 տոկոսի համար, Գուտերեշը յայտարարած է, որ ջերմոցային գազերու արտանետումներու 45 տոկոս կրճատումը պէտք է կատարուի մինչեւ 2030 թուականը: