Բռնազաւթուած Արեւմտեան Հայաստանի Շըրնաքի Գաբար լեռի շրջանին սկսած ռազմական գործողութիւնը  կը շարունակուի, իսկ Էվան եւ Բենաթ շրջաններուն ռազմական ուղղաթիռէն արձակուած կրակի հետեւանքով առաջացած հրդեհը կը զօրանայ: Մէկ շաբաթ շարունակուող հրդեհին «անվտանգութեան» նկատառումներով պետական մարմինները չեն միջամտէր:

Այս առաջին դէպքը չէ, երբ թուրքական կառավարութիւնը միտումնաւոր հրդեհ կ՛առաջացնէ  տարածաջրջանի անտառները՝ մեծ նիւթական ու բարոյական վնաս հասցնելով թէ մարդկութեան թէ բնութեան: Եւ կը փորձէ այդ յանցանքը վերագրել բոլորովին անտեղեակ անհատներու վրայ: