Արեւմտեան Հայաստանի Մարաշ նահանգի Թուրքօղլու շրջանին մէջ բնակուող հողագործ Յըլմազ Օրչանի՝ դաշտը հերկելու ժամանակ յայտնաբերած ոսկորները, որոնք մեծ նմանութիւն ունին «անտիկ փիղի» բրածոյին,կը հետազոտուին գիտնականներու կողմէ:

Յըլմազ Օրչանը՝ դաշտն հերկելու ժամանակ նկատած է  կոշտ առարկայ: Դադարեցնելով աշխատանքը, հողագործը ուսումնասիրած է առարկան եւ այն նմանցուցած է  մեծ կենդանիի ոսկորներու։ Այդ մասին յայտնած է գիտնականներուն, ովքեր այդ ընթացքին պեղումներ կը կատարէին իրենց շրջանին: Բրածոները առայժմ կը պահպանուին, հետազոտութեան աւարտէն ետք կը ցուցադրուին համապատասխան վայրին մէջ:

Ոսկորի մասերը մեծ նմանութիւն ունին քաղաքի  Հնագիտական ​​թանգարանին մէջ ցուցադրուող «Անտիկ փիղի» բրածոյին։

Նոյն տարածքին մէջ աւելի վաղ յայտնաբերուած  հնագոյն փիղի կմախքը, որը կը գնահատուի 3000-3500 տարեկան, կը ցուցադրուի Մարաշի հնագիտական ​​թանգարանին մէջ՝  լոյսի, ձայնի եւ տեսողական էֆեկտներու ներքոյ: