Արեւմտեան Հայաստանի Բիւրակն  նահանգի Քարաջեհեննէմ (Սեւ Դժոխք) կոչուող անտառներու 35 հեկտար տարածքը «անվտանգութեան նկատառումներէն» ելլելով կը ծառահատուի: Ազգերու ժողովրդավարութիւն կուսակցութեան (HDP)-ի Բիւրակնի պատգամաւոր Էրտալ Այտեմիրը, ով տեղեկացուցած է այդ մասին, ըսած է. «Անտառներու հատման պարագային Բիւրակնը ապագային ջուրի մեծ պակաս կ՛ունենայ»:

Ինչպէս կը պնդեն հասարակական կազմակերպութիւններն ու քաղաքական գործիչները՝ Պինկոլ կենտրոնի եւ Գենչ գաւառի խմելու ջուրն ապահոված են այդ անտառները: Անոնք դէմ են անտառներու հատման որոշմանն եւ համոզմունք յայտնած են, որ անտառահատումը զուտ քաղաքական բնոյթ ունի: Ըստ անոնց՝ տեղի բնակիչները շատ անհանգստացած են զարգացումներէն: Անտառային հրդեհներն ու հատումները տարածաշրջանին մէջ ամբողջութեամբ քաղաքական են: Այդ ամենը՝ շրջանը մարդկանցմէ ազատելու քաղաքականութիւն է: