ԱՄՆ Նախագահ Ջո Պայտենը շնորհաւորական ուղերձ հղած է վարչապետ Փաշինեանին՝ Հայաստանի անկախութեան երեսուն ամեակի առթիով: Կը ներկայացնենք ուղերձէն  հատուած մը․

«Մեծարգոյ վարչապետ,

Ամերիկեան ժողովուրդի անունով Ձեզ եւ հայ ժողովուրդին կը մաղթեմ ուրախ ու ապահով Անկախութեան օր։

Մեր երկու երկիրները միաւորուած են պատմական, ընտանեկան, բարեկամական կապերով, այդ թիւին՝ 1.5 միլիոն ամերիկահայերով, որոնք իրենց ներդրումն ունին մեր երկկողմ կապերը հարստացնելու ու ամրապնդելու հարցին։ Այս տարի մենք կը տօնենք մեր երկու երկիրներու երկկողմ յարաբերութիւններու 30 տարին։ Մենք պատրաստ ենք գալիք տարիներուն  շարունակել աջակցութիւնը հայ ժողովուրդին՝ ժողովրդավարական իր ուղին անցնելէ։ Վերջին տարուայ ընթացքին հայ ժողովուրդը մարտահրաւերներու հանդիպեցաւ, այդ թիւին եղան մարդկային ողբերգական կորուստներ պայմանաւորուած Արցախի հակամարտութեան մարտական գործողութիւններով։ Կիսելով հայ ժողովուրդի վիշտը՝ մենք ձեռք-ձեռքի տուած կ՛աշխատինք Ձեր կառավարութեան հետ ԵԱՀԿ Մինսքի խումբի եւ այլ տարածաշրջանային ձեւաչափերով՝ խթանելու տարածաշրջանային կայունութիւնն ու կարգաւորելու հակամարտութիւնը։ Միացեալ Նահանգները կը շարունակէ միջոցներ գործադրել Ատրպէյճանի մէջ պահուած հայ գերիներու ազատ արձակման ուղղութեամբ»։