Ախալքալաք քաղաքը նախկին զինուորական աւանի եւ Ջիվանի թաղամասի հետ կապող հետիոտնային կամուրջը բաց է հետիոտներու համար, սակայն վերականգնողական աշխատանքները դեռ աւարտուած չէ: Ներկարարական աշխատանքներն ընթացքի մէջ են:

Զինուորական աւանի հետիոտնային կամուրջը Սեպտեմբերի 17-էն բաց է: Միաժամանակ աշխատանքներ կը կատարուի կամուրջով անցնող ջրատարը ներկելու ուղղութեամբ:

«Վաղը կամ միւս օր կ՛աւարտենք, կ՛ընթանայ մաքրման աշխատանքներ, մենք արդեն կը ներկենք ջրագիծը, կ՛աւարտենք, կ՛սկսինք ծածկոյթը ներկել», – ըսաւ «Գաբիոնի 2000» ՍՊԸ շինարարական ընկերութեան տնօրէն Վախթանգ Սուրմանիձեն:

Յանձնաժողովը դեռ չէ վերանայած «Գաբիոնի 2000» ՍՊԸ ընկերութեան աշխատանքը, սակայն կամուրջէն օգտուող բնակչութեան կարծիքները տարբեր են:

Հետիոտնային կամուրջը վերականգնման նպատակով փակուած էր Յունիս ամիսը, վերանորոգումն կ՛իրականացնէ «Գաբիոնի 2000» ՍՊԸ ընկերութիւնը՝ 171 610 լարիի չափով: