Իրանի ԱԳՆ պաշտօնական ներկայացուցիչ Սաիդ Խաթիբզադեն, մեկնաբանելով Իրան-Հայաստան մայրուղիի վրայ իրադրութիւնը, ընդգծեր է հարեւան երկիրներու տարածքային ամբողջականութեան առաջնահերթութիւնը:

Մինչդեռ, Թուրքիայի նախագահ Էրդողանը «Զանգեզուրի միջանցքի բացումը» կ՛առաջադրէ  որպէս նախապայման Նիկոլ Փաշինեանի հետ հանդիպման եւ տարածաշրջանը ապաշրջափակման համար: «Զանգեզուրի միջանցքը» Հայաստանի տարածքային ամբողջականութեան խախտում է, որուն դէմ է Իրանը: Աւելին, այդ խախտում է նաեւ Իրանի հաղորդակցային ինքնիշխանութիւնը, որը Հայաստան մեկնելու համար ստիպուած կ՛ըլլայ անցնելու երրորդ երկիրներու կողմէ վերահսկուող միջանցքով:

20-րդ դարի սկիզբը Թեհրանը տարածք զիջած է Թուրքիային, որպէսզի վերջերս սահման ունենայ Նախիջեւանի հետ, եւ այժմ Իրանը կը վճարէ իր որոշման համար:

Գորիս-Կապան ճանապարհին իրանական բեռնատարներու վարորդներուն ձերբակալելու մասին հարցին Խաթիբզադեն պատասխանած է, որ Իրանը կը զբաղուի այդ հարցով եւ պահանջած է անհապաղ ազատ արձակել վարորդներուն։

Իսկ վերջերս մեզ հասած տեղեկութեան համաձայն՝ իրանցի զինուորականները զգալի ուժեր  տեղափոխած են Ատրպէյճանի հետ սահման: Արաքս գետի տարածքին մէջ նախատեսուած է անցկացնել վարժանքներ, գրած է «Ռազմական դիտորդ» թելեգրամեան ալիքը: