Կը լրանայ Բիւրականի աստղադիտարանի հիմնադրման 75-ամեակը: 

Այն կը կրէ Ակադեմիկոս Վիկտոր Համբարձումեանի անունը։ Աստղադիտարանը հիմնուած է 1946 թուականին ակադեմիկոս Վիկտոր Համբարձումեանի ջանքերով, ով եղած է աստղադիտարանի առաջին տնօրէնը։ Կը համարուի  Արեւելեան Եւրոպայի եւ Միջին Արեւելքի կարեւորագոյն աստղադիտարաններէն մէկը։

Բիւրականի աստղադիտարանը կը գտնուի Արագած լեռան հարաւային լանջին՝ Հայաստանի Հանրապետութեան Արագածոտնի մարզի Բիւրական գիւղին մէջ։ Աստղադիտարանը կազմուած է երկու մասէ՝ բնակելի աւանէն եւ գործառնական մասէ, որը կը ներառէ դիտաշտարակները, վարչական եւ լաբորատորիայի շէնքերը, ժողովասրահը եւ հիւրերու տունը։

1947 թ-ին Բիւրականի աստղադիտարանին մէջ տեղի ունեցած հետազոտութիւններու շնորհիւ բացայայտուեցան աստղասփիւռները՝ երիտասարդ աստղերու խումբերը։ Հարկ է նաեւ նշել, որ այստեղ առաջին անգամ ապացուցած են, որ մեր ժամանակներուն եւս կը շարունակուին աստղերու առաջացման երեւոյթները: Աստղադիտարանին մէջ կը գտնուի Եւրոպայի մէջ ամենէ մեծ դասական աստղադիտակներէն մէկը, որու հայելիի տրամագիծը կը կազմէ 2,6 մ։