Իրանի նախագահ Իպրահիմ Ռաիսին ՄԱԿ-ի 76-րդ վեհաժողովի անդամներուն հղուած տեսաուղերձի ժամանակ յայտարարած է, որ պաշտօնական Թեհրանը պատրաստ է վերսկսելու միջուկային ծրագիրի շուրջ Յունիս ամիսն ընդհատուած բանակցութիւնները։ Ռաիսին մէկ անգամ եւս պնդած է, որ իսլամական հանրապետութիւնը միջուկային զէնք ստեղծելու նպատակ չի հետապնդէր։

«Իսլամական հանրապետութեան ռազմավարական քաղաքականութեան հիմքը այն ըմբռնումն է, որ միջուկային զէնքի ստեղծումն ու անոր կուտակումը արգիլուած են։ Այդ կը բխէ նաեւ Իրանի հոգեւոր առաջնորդի հատուկ հրամանագիրէն։ Մեր պաշտպանական հայեցակարգին եւ զսպման քաղաքականութեան մէջ միջուկային զէնքը տեղ չունի», – յայտարարած էր Իրանի նախագահը` շարունակելով.

«Մենք օգտակար կը համարենք այն բանակցութիւնները, որոնք կը հանգեցնեն Իրանի դէմ սահմանուած բոլոր պատժամիջոցներու վերացմանը։ Վճռականօրէն պաշտպանելով մեր ժողովուդրի իրաւունքները` Իրանը կը ձգտէ աշխարհի հետ լայնածաւալ քաղաքական եւ տնտեսական մերձեցման։ Ես աշխարհի բոլոր երկիրներու, նախ եւ առաջ մեր հարեւաններու հետ արդիւնավետ համագործակցութեան կը ձգտիմ»: