Ինչպէս արդեն յայտնի է, Վրաստանի Հանրապետութեան Քվեշեթի-Կոբի ճանապարհի Կրեստովի լեռնանցքին չինական China Railway Tunnel Group Co. Ltd ընկերութիւնն սկսած է 9-կիլոմետր մայրուղիի թունելի կառուցումը, որը Հիւսիս-հարաւ միջազգային միջանցքի մէկ մասն է:

Վրաստանի վարչապետ Իրակլի Ղարիբաշվիլին, շինարարութեան հիմնարկի արարողութեան ժամանակ ունեցած ելոյթին յայտարարած է, որ թունելը Կովկասի մէջ կ՛ըլլայ ամենամեծը։

Ղարիբաշվիլին ընդգծեր է, որ նախագիծը մեծ նշանակութիւն ունի ոչ միայն Վրաստանի, այլեւ ողջ տարածաշրջանի համար:

Նախագիծի աւարտէն ետք, տարիներ շարունակ  ձնահիւսի եւ սողանքներու հետեւանքներուն բախուող փոխադրամիջոցներու խնդիրները կը լուծուին, եւ Վրաստանն ու Հայաստանը Ռուսաստանին միացնող միակ ճանապարհի՝ Վրաստանի ռազմական մայրուղիի այս դժուարին հատուածը աւելի ապահով կը դառնայ փոխադրամիջոցներու երթեւեկութեան համար։

Նախագիծի աւարտը նախատեսուած է 2024 թուականին:Արեւմտեան Հայաստանը մոտիկէն կը հետեւի տարածաշրջանի եւ Մետաքսի ճանապարհին տեղի ունեցող իրադարձութիւններուն, քանի որ մենք կարեւոր ռազմավարական կապեր ունինք մեր հարեւան պետութիւններու հետ: Յիշեցնենք այնպիսի իրադարձութիւններ, ինչպիսին են՝ Պաքու-Կարս երկաթգիծը, Պաքու-Ջեյհան նաւթամուղն ու գազամուղը: Պէտք է նշենք, որ այս երկուքն ալ կ՛անցնին Արեւմտեան Հայաստանի տարածքով՝ ոտնահարելով մեր իրաւունքները, բացի այդ՝ այս ծաւալի շինարարութիւնները կարող են բացասական հետեւանք ունենալ բնութեան եւ էկոլոգիայի վրայ: