ԱՄՆ Ներկայացուցիչներու պալատն ընդունած է կոնգրեսականներ Թոնի Քարդենասի, Ադամ Շիֆի եւ Պրեդ Շերմանի հեղինակած օրենսդրական նախագիծը, որու միջոցով կը պահանջուի Ատրպէյճանէն անհապաղ ազատ արձակել բոլոր հայ գերիներուն եւ քննել Ատրպէյճանի պատերազմական յանցագործութիւնները:

Ներկայացուցիչներու պալատի կայքին հրապարակուած փաստաթուղթին մէջ, մասնաւորապէս, շեշտուած է, որ 2020 թուականի Սեպտեմբերի 27-ին, Ատրպէյճանը, Թուրքիայի եւ օտարերկրեայ զինուած խմբաւորումներու աջակցութեամբ, ռազմական գրոհ սկսած է Արցախի դէմ, որը նաեւ յայտնի է որպէս Արցախ` հանգեցնելով հազարաւոր մարդկանց մահուան եւ տասնեակ հազարաւոր էթնիկ հայերու տեղահանման: Շեշտուած է, որ Ժնեւի երրորդ կոնվենցիան, որը ստորագրած է Ատրպէյճանը, եւ միջազգային իրաւունքը կը պահանջէ ազատ արձակել ռազմագերիներուն եւ գերեվարուած խաղաղ բնակիչներուն, ինչպէս նաեւ կը պահանջէ, բոլոր գերիներուն վերաբերուիլ մարդկային ձեւով: