Իր պատմութեամբ ու բնութեամբ հարուստ տարածաշրջանի աշխարհագրութիւնը հաճախ կը զոհաբերուի ամբարտակներուն: Արեւմտեան Հայաստանի Տիգրանակերտ նահանգի պատմական Գելիէ Գոտերնէ հովիտը նոյնպէս նախատեսուած է աւելցնել այն վայրերու ցանկին, որոնք կը յայտնուին ջրամբարի ջուրերու տակ։ Անոնց մէջ է նաեւ  պատմական Հասանքեյֆը, Էյիլը եւ Հալֆեթին:

Նեոլիթեան ժամանակաշրջանի հետքերը կրող պատմական Թաշքոփրու եւ Գելիէ Գոտերնէի հովիտը գարնան գալուստով բազմաթիւ գոյներ կը ստանայ, եւ գարնան ու  ամռան ամիսներուն կ՛ընդունի հազարաւոր տեղացի եւ օտարերկրեայ զբօսաշրջիկներու:

Իր սառնորակ բնական աղբիւրներով եւ անչափ գեղեցիկ տեսարաններով բոլորին յայտնի  հովիտը վերջին տարիներուն յայտնուած է անհետացման սպառնալիքի տակ:

Հովիտը կը հեղեղուի Սիլվանի ջրամբարի պատճառով, որը սկսած է կառուցուիլ 2009 թուականին եւ 70 տոկոսով պատրաստ է։ Կառուցումն ամբողջութեամբ աւարտին կը հասնի յառաջիկայ երեք տարուայ ընթաքցքին:

Ջրամբարի կառոյցի աւարտին պատմական հովիտի հետ միասին ջուրի տակ կ՛անցնին հազարաւոր հեկտար գիւղատնտեսական նշանակութեան հողեր եւ բնակելի գիւղեր։