Երեւանի «Ոսկէ ծիրան» միջազգային կինոփառատօնը, համագործակցելով ՀՀ-ի մէջ արտասահմանեան դեսպանութիւններու, հիւպատոսութիւններու եւ միջազգային կազմակերպութիւններու հետ, Հայաստանի մէջ կը ներկայացնէ տարբեր հեղինակաւոր կինոփառատօններու յաղթած, մրցանակներու արժանացած ֆիլմեր:

Փառատօնը կը հիւրընկալէ ժիւրիի անդամներ մրցանակակիր պրոդիւսեր Ֆրանսուայ դ՛Արտեմարին, Նանտի Three Continents փառատօնի հիմնադիր Ֆիլիպ Ժալադոյին եւ ֆրանսիացի արուեստագէտ, գրաֆիկ դիզայներ, Կաննի եւ «Ոսկէ ծիրան»-ի պաստառներու հեղինակ Վահրամ Մուրատեանին։ Վարպետութեան դասընթաց կը վարէ Պիեռ-Սայմոն Գուտմանը, որը կարճամետրաժ ֆիլմերու ռեժիսոր է եւ ֆրանսիական L’Avant-Scène Cinéma ամսագիրի փոխ խմբագիրն է, եւ մասնագիտացուած է կինոքննադատութեան ասպարեզին։

Լրագրողներու հետ հանդիպմանը «Ոսկէ ծիրանի» հիմնադիր Սուսաննա Յարութունեանը շնորհակալութիւն յայտնեց բոլոր աջակիցներուն տարիներ շարունակ իրենց կողքին ըլլալու համար: Ան ընդգծեց, որ այդ աջակցութիւնը կարեւոր է կինոփառատօնի կայացման գործին: