ՄԱԿ-ի Գլխաւոր ասամբլեայի նստաշրջանին Իլհամ Ալիեւը յայտարարած է, որ պատրաստ է «խաղաղութեան», բայց «Զանգեզուրի միջանցքի» բացման պայմանով: Աւելի վաղ Էրդողանը հանդէս եկած էր նման վերջնագիրով՝ խօսելով Փաշինեանի կողմէ «դրական ազդակներու» մասին:

ՄԱԿ-ի մէջ ունեցած ելոյթի ժամանակ Ալիեւը փաստօրէն խօստովանեց, որ «հակամարտութիւնը լուծած է ուժով»՝ կոպտօրէն խախտելով միջազգային իրաւունքի սկզբունքները:

ՌԴ-էն, Թուրքիայէն բացի, միջազգային հիմնական դերակատարները Արցախը չեն ճանչնար որպէս «Ատրպէյճանի տարածքային ամբողջականութեան մաս»: Համաշխարհային հանրութիւնը կոչ կ՛ուղէ Պաքուին վերսկսիլ բանակցութիւնները ԵԱՀԿ Մինսքի խումբի շրջանակներուն, որոնք ուղղակի կասկածի տակ դրած են «Ատրպէյճանի տարածքային ամբողջականութիւնը»՝ Ալիեւի ընկալմամբ:

Այս «ամբողջականութիւնը» լիովին կախուած է Հայաստանի ստորագրութենէն եւ Հայաստանի հետ Արցախի վերամիաւորման որոշման կատարումէն:

ԱՄՆ Կոնգրեսն ընդունած է փոփոխութիւններ, որոնք կը նախատեսեն 2020 թուականի պատերազմին Ատրպէյճանի ռազմական յանցագործութիւններու եւ Թուրքիայի, ահաբեկիչներու եւ վարձկաններու մասնակցութեան հետաքննութիւն: 

Հայաստանը, Սեւրի դաշնագիրի 92-րդ յօդուածի հիմունքներով հնարաւորութիւն ունի իր խնդիրները միջազգային ամենաբարձր մակարդակի հասցնելու համար: