Մետիափորձագէտ Նայիրի Հոխիկեանը հղում կատարելով ատրպէյճանաիրանական լարուած յարաբերութիւններուն, իր ֆեյսբուքեան էջին գրած է․«Իրանի եւ Ատրպէյճանի միջեւ լարուածութիւնը կը շարունակէ աճիլ եւ հաիւրերորդական մակարդակի պաշտօնեաներու ու հոգեւորականներու միջոցով կը հնչեն նոր մեղադրանքներ ու սպառնալիքներ։ Բայց, որպէսզի մենք լաւ պատկերացնենք, թէ տարածաշրջանային իրական քաղաքականութիւնը, պէտք է հասկնանք, որ Իրանին ոչ մէկ տեսակ լարուածութիւն պէտք չէ, Ատրպէյճանը եւս պատրաստ չէ պատերազմի, քանի որ 2020-ի պատերազմի ժամանակ կորսնցուց չափէն շատ մարդկային ու ռազմական ռեսուրսներ»։

Ըստ մետիափորձգէտի` Հայաստանի կողմէ սխալ քայլ կ՛ըլլայ սպասել ատրպէյճանաիրանական յարաբերութիւններու վատթարացմանը, քանի որ այդ ոեւէ պահ կարող է փոխուիլ հակառակի, իսկ Հայաստանը այդ իրավիճակէն ոչ մէկ շահ չունի։

Մետիափորձագէտը չի բացառեր նաեւ, որ Ատրպէյճանը կ՛օգտագործուի ԱՄՆ-ի, Մեծ Բրիտանիայի եւ Իսրայելի կողմէ՝ որպէս Իրանի դէմ ագրեսիայի հարթակ։ Ան ամիսներ շարունակ իր պնդումներուն ժամանակ զգուշացուցած էր,  որ արցախեան վերջին պատերազմի հիմնական նպատակներէն մէկն է Իրանի հիւսիսային շրջաններու մոտ թուրքական եւ ահաբեկչական խմբաւորումներու տեղակայումը։