ԱՐԵՒՄՏԵԱՆ ՀԱՅԱՍՏԱՆ – Արեւմտեան Հայաստանի Նախագահ Արմենակ Աբրահամեանի նոր աշխատանքային շրջանը  բուռն մեկնարկած է՝ գիտաժողովներ, ցուցահանդէսներ, յիշատակման միջոցառումներ եւ հանդիպումներ։ Նախագահի օրակարգը հագեցած է նաեւ արտաքին եւ դիւանագիտական ​​հարցերով:

Անտիպ-Ժան-լե-Պենի քաղաքապետարանը եւ «Կոմբատանտի ​​տունը» նախագահ Արմենակ Աբրահամեանին հրաւիած են ներկայացնելու Արցախի մէջ առկայ իրավիճակը՝ 2020 թուականի Սեպտեմբերի 27-ին սկսած 44-օրեայ պատերազմէն ետք:

Հիւրերով լեցուած դահլիճին մէջ զոհուածներու յիշատակը մէկ վարկեան լռութեամբ յարգելէ ետք նախագահ Արմենակ Աբրահամեանը շնորհակալութիւն  յայտնեց բոլոր հիւրերուն եւ մասնակիցներուն:

Հայ համայնքը արժանապատիւօրէն ներկայացուցին Ֆրանսիայի վետերաններու ասոցիացիայի եւ հայ ազգի դիմադրողներու անդամներու նախագահ Ժան Ղազարոսեանն ու Հայ վետերաններու եւ համակիրներու ազգային ասոցիացիայի նախագահ Վրեժ Աբրահամեանը:

Հայրենակցական միութիւններու պատասխանատու, քաղաքապետարանի խորհրդական, գնդապէտ Ժերալդ Լակոստի ներկայութեամբ նախագահ Արմենակ Աբրահամեանը շնորհակալութիւն յայտնելով Անտիպի քաղաքապէտ Ժան Լեոնետիին, խորին երախտագիտութեամբ յարգանքի տուրք մատուցեց Լեոնիտ Ազգալդեանին, Մանուկ Սահակեանին, Կոմիտաս Տանիելեանին եւ Վաչագան Իշխանեանին, ապա ներկայացուց  մէկ տարի առաջ տեղի ունեցած 44-օրեայ պատերազմի մեկնարկի մասին տեսանիւթը։

Այնուհետեւ ան համեմատեց Արցախեան առաջին եւ երկրորդ պատերազմներու միջեւ՝ յիշեցնելով հակամարտութեան քաղաքական, իրաւական, սոցիալական եւ ժողովրդագրական ակունքները: Նախագահ Արմենակ Աբրահամեանը պաշտպանեց այն փաստը, որ Արցախի անկախութեան հարցը արդիական չէ, քանի որ Արցախը միշտ եղած է  հայկական պետութեան անբաժանելի մասը, որը ճանաչուած է 1920 թուականին եւ, հետեւաբար երբեք չէ եղած Ատրպէյճանի կազմին:

Կը մնայ, որ Ֆրանսիան, հետամուտ ըլլալով Սեւրի դաշնագիրին պարունակուող իրաւական ակտերուն եւ յաջորդական թուրքական կառավարութիւններու կողմէ հայերու դէմ իրականացուած  ցեղասպանութիւններէն բխող փոխհատուցումներուն, 

կատարէ իր իրաւական պարտաւորութիւնները եւ վավերացնէ 1920 թուականի Օգոստոսի 10-ին Սեւրի մէջ ստորագրուած միջազգային խաղաղութեան դաշնագիրը ,  որն հնարաւորութիւն կուտայ վերականգնել Հայաստանի Հանրապետութեան 1920 թ. անկախութիւնն ու ինքնիշխանութիւնը՝ Արեւմտեան Հայաստանի տարածքին։

Հակամարտութեան աշխարհաքաղաքական վերլուծութիւնը, որտեղ  նշուած է նաեւ հայ ժողովուրդի վրայ յարձակուած միջազգային ռազմա-ահաբեկչական կոալիցիան, թոյլ տուաւ հիւրերուն քննարկել անցեալի սխալները եւ ներկայի քաղաքական ընտրութեան կարեւորութիւնը, որպէսզի հնարաւոր ըլլայ  հակազդել բնակչութեան զանգուածային ոչնչացման եւ տարածքային օկուպացիայի ապագայ ծրագիրներուն: Յիշեցնենք, որ այս մարդասպան միջազգային կոալիցիային մասնակից բոլոր երկիրները նոյնպէս ՄԱԿ -ի անդամ են: Հետեւաբար, ռազմավարական առումով կարեւոր է հաշուի առնել այս իրավիճակը համապատասխան պետութիւններու ռազմական դոկտրիններուն:

Մէկ ու կէս ժամ տեւողութեան գիտաժողովի աւարտին մասնակիցներուն ներկայացուցին 44-օրեայ պատերազմի 88 էջէ բաղկացած տարեգրութիւնը:

Արցախի եւ Արեւմտեան Հայաստանի մէջ հայկական ժառանգութեան նուիրուած ցուցահանդէսը կը ցուցադրուի Անտիպի ՝՝Մայիսի 8՝՝-ի դահլիճին մէջ՝  2021 թուականի Յոկտեմբերի 21-էն:

https://bit.ly/3igYYyw

https://bit.ly/3ih7DRP