Ալիեւի յայտարարութիւնը, որ Թուրքիայի հետ յարաբերութիւնները կարգաւորելու համար Հայաստանը պէտք է ընդունի եւ մշակի նոր սահմանադրութիւն, անընդունելի է, Aysor.am-ի թղթակիցի հետ զրոյցի ժամանակ ըսած է թուրքագէտ Ռուբեն Սաֆրաստեանը։

«Ես խայտառակութիւն կը համարեմ, որ մեր հարեւան երկիրը, հարեւան միւս երկրի դրդմամբ, ամենաբարձր պաշտօնեան նման յայտարարութիւն կատարած է եւ պահանջած է ներկայացնել, որ Հայաստանը փոխէ իր Սահմանադրութիւնը։

Այս արդեն կ՛անցնի քաղաքակիրթ յարաբերութիւննեոի բոլոր շրջանակները։ Կը նշանակէ, որ Թուրքիան եւ Ատրպէյճանն կ՛սկսին խառնուիլ Հայաստանի ներքին գործերուն։ Ինձ համար այդ բացարձակ անընդունելի է», – ըսաւ թուրքագէտը։

Յիշեցնենք, որ թուրքական Anadolu գործակալութեանը տուած հարցազրոյցի ժամանակ Ատրպէյճանի նախագահն ըսած էր.

«Անոնք առաջին հերթին պէտք է մշակեն եւ ընդունին նոր սահմանադրութիւն: Ի՞նչպէս կարելի է Հայաստանի նման թոյլ եւ ամբողջովին քանդուած երկիրը տարածքային պահանջներ ներկայացնել այնպիսի հզոր երկրի նկատմամբ, ինչպիսին Թուրքիան է: Այդ նման է հոգեկան հիւանդութեան: Հետեւաբար, անոնք պէտք է հրաժարուին անկէ»: